Ås vîs timps, les rapurdisses crustins, divint d'esse batijhî, s'apresteyént sacwantès anêyes et rçure li catruseme. Asteure cåzumint totès les djins sont ddja batijhêyes, mins on rceut catruseme cwand ons est efants, totfjhant ki nos n'estans nén foirt grand po coprinde les pondants et les djondants. C'est po ça ki, les crustins ki volnut aprinde li fwè po kéne k'il ont stî batijhîs, polnut si fé co on côp rapurdisses. Mins come ons est ddja batijhîs, on n'est nén des rapurdisses po d' bon, mins copurade ons est des «nous-rapurisses».

Divins l'pårotche di Djambe ons a ene soce del Nou-Rapurdisse Voye, k'ons aprind li fwè di nosse batinme, si magnî et reumî l'Parole do Bon Diu et prinde pårt ås såcrumints.